ما تصدق يوم أنا عيني تشوفك
نظرتك من جد تغمرني حنان


ويوم كفي يسعد بلمسة كفوفك
ما بقى للسعد في نفسي مكان


ليتها دايم لنا تسمح ظروفك
ليتنا نحظى من الدنيا بـ امان


ملت اللحظات من حضرة طيوفك
وأنت أكبر من صواديف الزمان


لا متى عنِّي يردك بس خوفك
السعادة وقتها هالحين حان


خذ من الوقت السعادة لا تعوفك
السعادة عمرها يمكن ثوان


اسْعد بنورك قبل لحظة كسوفك
كل نور وله مع العتمة أوان


حتى حبي لك إذا طوَّل وقوفك
راح يردد كل وقت وله أذان



سُهيل