10-14-10, 10:56 AM
|
#60 |
| مهمآ گبرت فبداخلي طفلةٌ مدللـه | | | | | | | | | | | | | | | | | | | | | | | | | | | 
والله يابو ضحكة ٍ فيها نهاريـن
قبل اتكسّر على صورتكـ الأوزان
لقيت فيها السما والأرض والطين
وتاريخ غامض بلا معنى وعنوان
فـ خيوطها ثرثرة شاعر وقافين
وبحر ٍ تحت زرقته لولو ومرجان!
وفيها من التوت مايغريكـ يالتين
ومن الثمر لاتدّلى عَقْد رمّان
وفيها العنب سلسل غصون البساتين
يوم البنفسج تحضنها بالاحضان!
سْقوفها من زبرجد طـّل مابين :
ستاير ٍ ما حكت للريح نسيان!
يسولف السمع فيها جنب ليلين
لين اختنق شمعدان وطار دخان!
فيها تلّفت يسار وعينكـ يمين
وعلى التفاتـكـ يصب الغيث ودان
وعلى شفاهكـ تلعثم حدّ سكين
وخيانة الأحمر النافر للالوان!
كن الخشب في براويزه ربيعين
وأنهار وأعشاب في صدري وهتان
يحرث بها الظل حبـْر وتزهر يدين
ويحفر لها الحلق صوت وينطق لسان!
وتجلس وفي جلسْتكـ يبيّض نسرين
وتاقف وفي وقفتكـ ينهار وجدان!
وكم حاجبكـ عقّل هْبَال المجانين
وكم هي رموشكـ تجَغْرف بيد و أوطان!
وكم رغّدت خدكـ عْيون الفقيرين؟
وكم في عيونكـ سَرح طرقي وهجّان!
ماقلت في صورْتكـ حرب ومعادين
ولاقلت فيها رمي بندق ونيشان
أقول فيها يزغرد صبح ويبين
وأطير فيها ..سما..من غير جنحان!
أو قل طريق ٍ تواعد فيه قلبين
واحد نسى قلب واحد كان ولهان!
لين احترق فـ انتظاره وامتلت عين
وانهدمت ضلوع في صدره وجدران
وياهي ملامحكـ يشربها الغريبين
ومن أربعين الشبه ماتشبه إنسان!
أشوفها اصْدق من دموع المساجين
اليا اطلبوا رحمة ٍ من كف سّجان
وأحس لاشفتها تاقف بي سنين
وإن جيت بـ اصد عنها..تمضي ازمان!
وأشوفها جملة ٍ مابين قوسين
تفسيرها الدمع والحيرة والأحزان
شبّرتها ماتجي بالطول شبرين
لكنها السرمدية بعض الاحيان
وباقي من الليل ثلث وراح ثلثين
وأنا اتدّفى على صـورتكـ بردان
سامرتها وانفجر شاعر وصدرين
ومْن الوله والحنين ارتبكت أوزان
لين نْعَسَت عين..وشوي نْعَسَت عين
ونمت وتركتكـ تحاكي صمت الالوان!
 |
|
|
التعديل الأخير تم بواسطة ترتيلة سهر ; 08-29-12 الساعة 06:51 AM
 |