ً
ً
اسمعي مني
اسحبي عليه ومن غير تأنيب ضمير
لانه انسان كذاب ومراوغ
وقاعد يتعلل باشياء واهية
ولو كان صادق تقدم لك
حتى لو بس يملك عليك
وبعدها الله المعين وهو الرزاق
لان الصادق يقدم دليل على صدقه
مو اعذار واهيه وغير منطقية

بس واضح ما عنده استعداد
وقاعد بس يبيك تبقين معاه
عشان يتسلى فيك ويستمتع

واذا قرر يرتبط راح يسحب عليك
ويشوف حاله وتبقين ضحية عواطفك
وتخيلاتك واحلامك
لذلك اسحبي عليه قبل يسحب عليك
والحقي عمرك قبل لا يفوتك القطار
واسمعي نصيحة اخوك

واذا ما قدرتي تسحبين ومتعلقه
عاد لا تجين بعدين تبكبكين
وتقولين سحب علي وطنشني

انا اقول لك من الان انفذي بجلدك
وشوفي حياتك ومستقبلك
وبلاش تعيشين حياة الافلام
عشان ما تتندمين فيما بعد
وتلومين نفسك في وقت ما ينفع اللوم

واحمدي الله ان عندك وعي وضمير حي
واستشرتينا فيما احترتي فيه
لذلك اسمعي كلامنا
وخذيه على محمل الجد

اسال الله ان يرزقك بالزوج
اللي يسعدك وتسعدينه
ويجعل حياتكم فرح وخير وأمان ..

ِ