منتديات مسك الغلا | al2la.com - عرض مشاركة واحدة

**هدى الوزير** · 10-18-23, 06:57 PM

مرة جاني هبوط في الضغط ورحت مع اختي المستوصف...
واعطوني محلول مغذي وجت الممرضة تبي تسوي لي أبرة...
تدور على وريد عرق مالقت شي..
نادت ممرضة ثانية وثالثة وهات يا تنقيب عن عروقي...
بدون فائدة...
وبالصدفة مر من عند الباب دكتور جراح ياباني وشافهم محتاسين....
دخل الملقوف وقالوا ذي النكبة مالقينا لها عرق...
كنت كاشفة وجهي من كثر التعب ماعد حطيت النقاب لما دخل الدكتور...
المهم...
ويعطيني ذيك النظرة اللي مدري شسمها...
وبكل بساطة وجد العرق وضبط الإبرة وذلف...
وكل شوي يجي يطمن علي... وينادي الممرضة يسألني عنها...
وفي ثالث مرة دخلت الممرضة تضحك بعد ما كلمها الدكتور وتشوفني وتضحك...
شافتها أختي بإستغراب وقالت وش فيك تضحكين...
قالت وهي تضحك تخيلوا الدكتور وش قال لي...
قلنا لها اخلصي علينا وش قال؟
قال يبي يتزوجك وتأشر علي

قلت انا..
قالت ايه اعجب فيك وقال انه دخل الإسلام من قريب ويبيك زوجة له...
خفنا انا وأختي عاد ياباني وش ذا الحظ الردئ...
قالت الممرضة احمدي ربك اتزوجيه جراح ويوديك اليابان...
قلت لها شكرا مابي فكي المغذي وانحشت انا واختي على طول...
اليابان يأكلون البشر... اتورط معه اقوم وقد أكل خشمي شلون اشم العطور واتنفس...
.
.
وبعدين اتحسفت لو مأخذته كان الحين انا في اليابان...
وعيالي مخترعين كل واحد منهم يخترع شي...
ويخترعون لي جهاز يغسل المواعين بدالي

لكن يلا كل شي قسمة ونصيب...