السلام عليكم ورحمة الله وبركاته

هنا سجِّل حضورك بأبيات من نظمك

للهواة والمحترفين ..

بداية /

على بقايا طيفها أغلقت الاهداب
أبي عيوني تضمها في نظرها

وقّفت لحظة صمت هايم ومنصاب
نسيمها جاني بريحة شعرها

ريح النفل ممزوج مَعْ أحلى الاطياب
مثل السكينة يوم نفسي غمرها

والشعر فوق الخد بشويش ينساب
يداعب النسمة ويستر نحرها

خطواتها نحوي تقل عزف زرياب
وأحلام عمري جات تتبع أثرها

ودي أناظر بس خايف ومرتاب
أخاف لو ناظرت أفقد أثرها

سُهيل