بين أوراق المرحوم عثرت على نصوص شعرية شعبية


هَنا عمري … للمرحوم عبدالله الخالد


يا هنا عمري اللي عدى
واللي جاي
اعذريني إنتي أكبر من وفاي
وإنتي أبعد من سماي
اسرقيني من سنيني كل لحظة
عشتها دونك حرام
وكل قصة عشتها كذب وتهاويل
وكلام
إنتي يا عطر الحنايا يا اللي لمحاتك
تشربها وتغريها المرايا
هدْني ليل الطريق المتعب المهجور
كلي أدمناك وَلَهْ أشواق وشعور
أشهق بصوتك ويحلالي الكلام
وأنهمر آهات أشعار وغرام
كثر ما فيني من أشواق وحنين،، أعشقك
كثر ما فاتت من سنيني سنين ، أفقدك
بس مابيني وبينك ألف حارس وألف جاني
وقلبنا المجني عليه
صدقيني ودين دينك لأشعل الدنيا أغاني
وحبنا نبقى عليه
يا هناي اللي عشقته قبل أعرفة،، قبل أشوفه
قبل لا ألعن ظروفي مع ظروفه
من عرفتك صرت شاعر
قبل لا ينبت بصدري قلب شاعر
ولاني حاسب للزمن واللي يصير
دامك إنتي لي قدر
وأصدق مصير
أنكسر لك
حتى تجمعني تلملمني بروحك
حتى أسمع همس إحساسك وبوحك
بأعترف لك
أشعر إني طفل محتاج
لحنان
وإنك أطهر قلب في هذا الزمان