من المواقف المضحكه واتفاجأت منها
ان قريب عملو حفلة تقاعد ل موظفه
وما شاء الله زميلاتها راحيين جايين يعزمو وينسقو ايش راح يعملو للحفله واضح انهم يحبونها
ف بحكي زميل لنا شفت ما شاء الله في موظفه في القسم الفلاني حتتقاعد وماشاء الله زميلاتها عزمو الكل وشكلهم عاملين لها حفله كبيره
لما قلت اسمها الا قال عرفتها ملامحها كذا صدمني كلامه لان الادميه مو كاشفه تلبس نقاب ونقاب فتحة العيون صغيره يادوب تشوف عيونها
جا يوم الحفله ودخلت جاملتهم و ماعرفت اوصل للموظفه ابارك لها لان اصلا لا تعرفني ولا صار بيني و بينها اي تعامل نهائيا وانصدمت شفتها كاشفه وطلعت فعلا ملامحها نفس ما وصفها بالضبط
علي فكره انا متاكده ١٠٠٪ انها هيا و زميلي ما جمعهم قسم واحد
ومستحيل مليون في الميه يكون شافها كاشفه بالغلط
والادميه في حالها حتي ماعمري شفتها في غرفة استراحة الموظفات
ف غريب صراحة انتو عيونكم لا اله الا الله تخترق حتي الغطوه و النقاب
