ماتنتظرش إن حنيتك تتقدر من شخص قاسي، ولا تحط أمل إن الغدار هيفهم احتياجك للأمان..
البخيل مش هيشوف كرمك لإنه فاكرك زيه، واللي بطبيعته خاين هيشك حتى في صوابع إيده.. اللي معندوش أخلاق هيتعامل مع تربيتك الحسنة إنها منظرة، واللي متعود يتعامل مع الناس على حسب مصلحته معاهم مش هيستوعب سؤالهم عنه اللي مالوش غرض تاني غير السؤال..
هتفضل جملة "كلٌ يراكَ بعين طبعه" هي الأصدق في تجاوز نظرة بعض الناس غير السوية ليك.. بالوقت وبالتجارب هتكتشف إن الأهم أنت شايف نفسك إزاى، مش غيرك شايفينك إزاى.. وده ليه؟
لإن "كلٌ يراكَ بعين طبعه".