ياليت لي نفس اذا ضاقت تبوح


يادنيتي مجروح من وين ما روح
ماراحت جروحي والايام راحت


ياليت لي نفس ( ن ) اذا ضاقت تبوح
كان من هم الليالي استراحت


كلما خفيت جروح تظهر لي جروح
بوسط صدري دلة الهم فاحت


وانا اكبر من الجرح ما اقول مجروح
نفسي العزيزة اكبر من جروح ناحت


اوقف بوجه الوقت كني جبل نوح
ما اطيح لو روحي من الوقت طاحت


قلب الاسد ماهو مخلوق للنوح
تعمى عيونه كان في يوم صاحت


صوت الحزن من كثرة النوح مبحوح
يشكي الجروح الي مع الوقت لاحت


وانا لجرحك يا زمن قلت مسموح
ان اقبلت دنياي وان كان شاحت


ولو كل صدر اصبح كتاب مفتوح
ان كان كل الناس بالهم باحت


والروح بعض احيان ترخص لاجل روح
لكنها لو باحت بسر راحت