اللي حساسين ترى ما اختاروا هالصفه المتعبه لهم
وللي حولهم ولا حبو هالصفه ابد
لانها جدا جدا مُتعبه وعن تجربه
ونعم اعترف بها الشي حتى الدمعه حاضره
احيان الدموع تضعنا بموضع ضعف
وهالشي محرج مثلا اناقش أحد
فجأه احس الدموع تعاندني
رغم مقاومتها
لكن نجي للانفعال للعصبيه
لردات الفعل هذي اجزم
ان الاغلبيه راح تجيهم مع الوقت
مع الظروف والحياه
واللي يصير فيها
انسان مرتاح بدون ضغوطات طبيعي
يكون بارد هادي مستكن
وانسان داخل دوامة الظروف
داخله معارك وحِمل
راح يكون انفعالي من ادناه امر
انا وحده كنت قالب ثلج
امي كانت تتضايق مني تقول
انتي تغثين ببرودك ودايم تزعل مني
وتزعل من هدوئي
وماجاء ببالها ان بيوم الحياه راح
تهزني هز وتوجعني
باغلى من املك
و تنقلني من وضع الصغيره المُدلــله
إلى انسانه أُخرى
شالت كل شي مره وحده
شي يعجز اللسان عن ذكره
امور اكبر من افكارها ودلالها
امور صنعت منها شخص اخر
لايشبهها ابدا
أصبحت ذات رأي واخذ وعطاء
اصبح كل من في البيت يرجع لها
ثم يأتي من يقول بلاش انفعال
وحساسيه بلاش انفعال او عصبيه
هل تعرفون معنى ان تنقلب الظروف
دون توقع ابدا
أن تكون الحامل بعد أن كنت محمول
الانفعال صفه غير جيده ابدا
تؤدي بنا للخطأ احيان
لكن لايمكن ان تبعدنا
عن حدود الادب والمبادئ..!
هوس#