طيب واضح ان الموضوع بيتكلم عن العلاقات

سواء علاقات صداقة او حب او بصفة عامة

طيب وححاول اختصر
الكذب مهما كان صغير أو كبير .. أسود او أبيض
لازم بيعمل شرخ في العلاقة وبينهي اي ثقة
أنا شخصيا اسوأ كذب ممكن أوجهه
لما تكون علاقتي كويسة بحد ومفيهاش اي شعرة خلل واتفاجأ انه كذب عليه لمجرد انه ينهي علاقتة بيه
طب ليه اللفه الطويلة دي
تعال واجهني وقولي سوري مش قادر أكمل معاكي
اتخنقت منك
مبقاش عندي وقت ليكي
حاسس بملل خلاص
اي سبب قوله بس خليك صريح

إنما تنجح انك توصلي ان علاقتي بيك بقت عبء عليك وكأنك شايل جبل علي قلبك
وعلشان تلاقي مبرر لجفاك تجاهي تقوم تكذب
هنا انا مستحيل اسامح ل سببين

اولا ... لأن مش انا اللي تدور لها علي حجة علشان تقولها مع السلامة اخرجي من حياتي
ثانيا ... لأنك أصلا نزلت من نظري خلاص ف اسامحك ليه وانا رميت طوبتك

الخلاصة ..

الصراحة والمواجهه للشجعان مهما كانت قسوتهم فهي افضل من الكذب
زي ما بيقولوا وجع ساعة ولا كل ساعة ..
وفي النهاية انت بتحترم الطرف التاني لأنه مغشكش


مودتي لك




.