والله لجازي راعي الصد بالصد
واصد عنه وكنه ما هو موجود
اول معه امشي الى ابعد الحد
واعطي وفى واخلاص ما هو محدود
لكن لقيته ما يبادلني الود
ويجزى العطى مني بنكران وجحود
باب فتح به هموم واليوم ينرد
مافي بقايا الامس يا وقت لي زود
وقفت في وجه الهوى وقفة الند
ابقى وعز النفس ماهو مفقود
طويت حلم فات في راحة اليد
تركت حلم كان مفروش ب ورود
درس وعاه القلب من صفعة الخد
الغدر ما هو في ايامنا السود
والله لجازي راعي الصد بالصد
واصد عنه وكنه ما هو موجود