نتابع مع الياسمين
في بداية دراستي كنت حرفيا"دلخ"..!
انا اصلا دخلت المدرسه وانا مدري يعني ايش مدرسه..!
من حاره العب فيها مع 5 او 6 الي مكان فيه اكثر من عشرات الأطفال .!!
صدمه مدري شسميها ...بصراحه..
لازالت صدمة اليوم الاول في ذاكرتي ...
المدرسه ماكانت بعيده عن البيت ابوي فالعمل اخذتني امي لها ...
اذكر كان الشارع فاضي فجأه دخلت المدرسه و"انصدمت" من منظر الاطفال وكثرتهم ..
ارتعت مدري شعرت بخوف مدري بس هو شعور م ارتحت له...رجعت البيت ههههه
وثاني يوم رجعت مع ابوي الله يرحمه وكلم المدرس وشرح له وضعي المدرس حاول يمتص اللخبطه اللي انا فيها شوي شوي وسلكت اموري لكن بقيت"دلخ" كـ طالب الي يمكن ثالث او رابع ابتدائي وسبحان الله بعدها اشتغل مخي هههه
 | |  |
| 7ـ هل واجهت يوما صعوبات بالتعليم ؟؟حدثنا... | |
 | |  |
طبعا واجهت مع اللي ذكرته اول ..
ابوي رحمة الله عليه كان معاه سادس ايتدائي وامي بدون تعليم يعني كل المؤشرات تقول مستحيل يفلح هالطفل خاصة اني في مرحلة تأسيس..!
الجميل ان امي تحمست ودخلت مدرسة محو الاميه وابوي كمل دراسه اعتقد لثاني ثانوي ..
تطور الوضع بعد رابع وبدت امي تسالني عن دروسي وش زينت وش سويت وكانت وش سويت ووش زينت لحالها كافيه جدا عشان انتبه للمدرسه واشد حيلي اكثر واكثر..
وللحق كنت طفل ذكي يحتاج بس توجيه وتشجيع ..
| | |
| 8ـ هل بكيت وأنت طفل ومتى؟؟ | |
| | |
هل بكيت قولي متي مابكيت !!
البكاء عندنا وفي محيط العائله امر لامفر ولامناص منه ودليل علي انك تنتمي حقا وفعلا الي ابناء الباديه ...
لازم ننجلد انا واخواني لكن اللي مهون الموضوع ان اخواني كثيرين ولله الحمد .
يلحقني الدور بعد اسبوع عشر ايام تكون فتره كافيه للتشافي من اثار الضرب والجلد السابق ههههه
| | |
| 9ـ هل فرحت فرحة عارمة وأنت طفل ...متى؟؟ | |
| | |
فرحت بـميلاد بدر اخوي..
كان بيني وبينه حصه وبدريه ونوال حليلات وهاديات خصوصا حصه اي مصيبه اسويها فالبيت الزقها بحصه وتاكلها من امي وثاني يوم تنسي الموضوع الحين نتذكر هالسوالف ونضحك..
لي عوده بأذن الله..