يالذِكريات المُوجعه في خاطري لك كلمتين

كلْ شي تبخرْ وإنتهى وأنتي بقيتي موجعه

يآخذني الهاجس معك وآجيك والخافق حزين

تحت سحايب دمعتك حتى الحزن ما أروعه

قلبي على الذكْرى بكى والليّل مايرحمْ ونين

وأوراق حزني يابسه على ضلوعي وأضلعه

كل السنين اللي مضت ماسكتت صوت الحنين

وماداوت جروح ٍ بقت في وسط جوفي مولعه

إيه أستلذ.. بطعتنك.. ودي بعد في طعنتين

وودي مع احزاني تمر ْ كل الدروب مُشرعه

هناك بآخر مُنعطف وجهه مع اللهفه يبين

يرسل شروقه للسما وآروح كّلي.. آتبعه

من قال إني أعشقه ؟ فوق العشق له حبتين

لبْست له تاآج الهوى ولآني بناوي أنزعه ..!

شوقه يجي يمي حلم ! والمُفترق له خطوتين

خطوه آساير وآقعي وخطوه أروح لوآقعه ..

و..مليت من درب النوى أبلتقي به لحظتين

لحظه بعوض غربتي ولحظه يسولف وآسمعه