،.

“ كنّ صوت الشّجر صوت عربٍ يمشون
في خريفٍ تكسّر منهم اوراقه

أو كنّ صوت الشّجر صوت عربٍ يقرون
عن ضمور الزّهر حتّى تفتّاقه !

يحلم السّمع لو مرّه يكون عيون !
ويتماهى مع الرّيح ومع اعماقه

عندَه أصناف واوصاف وسلايل لون
مات الانسان ما قدّ مرّت احداقه

لا تشوفون تحت اقدامكم تكفون
الترّفاع خيرٍ من التدنّاقه

إعتياد التّوازن حفرة الموزون!
والبروده بعض الاحيان حرّاقه

واحدٍ ما يقول في كلّ يوم شلون؟!
ابتلع يوم من عمره ولا ذاقه

لازم نعيد نظرتنا عن المجنون
يمكن نشوف فيه أشياء خلاّقه

حيزت الامنيات السّبع والسّبعون
وعشر راحن عيان وعشر مسراقه

والثّلاثه الأخيره سرّها مكنون
لاهل الدّين واهل الخيل والنّاقه ..!”


رائعة من روائع
الشاعر
سعد علّوش