هالأيام اللي مرّت علي جدًا سيئة،
الأيام اللي سحبت فيها على المنتدى،
جدًا بنفسي ابني مخزن داخل القاع
واجلس فيه هناك مدة شهر أو شهرين
من دون ما اشوف أحد ولا أتكلم مع أحد..
وكذا بس انام أو اجلس بس أهوجس.

أهلي ينزعجون مني لما يسألون
شفيك أعيشك؟ اضحكي.
أنتِ شفيك ليش ضعفتِ؟
شايفه وجهك كيف صاير؟
أعيشك صارت كئيبة، من شو مكتئبة؟
تطلعين؟
ليش كله حزينة وودك تبكين؟.

هم يسألون لأن انا السبب انا اللي
عودتهم انه مايكون فيني شيء
وانا دائمًا سعيدة،
والحين صار صعب أشرح لهم
شو اللي بداخلي،
أحس حتى محد يفهمني،
أعتقد الناس لازم تفهم أن شعور الكآبة
والحزن شعور طبيعي
وواجب نعيشه مثل الفرح.. صحيح؟

قبل اسبوعين تقريبًا صديقتي صار فيها جلطة دماغية،
ما تعرفون كمية الألم والقهر والحزن اللي كانت بداخلي
بوقتها ولأول مرة حسيت نفسي منطفئة،
بس رغم هذا وعشان أهلي
تصرفت كأنه مو صاير شيء واضحك
وطبيعي وأروح ابكي بالحمام،
بوقتها مدحت نفسي إن انا قوية
وأتحمل وكذا بس بداخلي جدًا تعبانة
واتوقع الآثار السلبية على كتماني لمشاعري
كانت تفيض الحين من داخلي
وتأثرت حتى على ملامحي وحركاتي وكل شيء،
لدرجة ما عندي رغبة ابتسم
او اقول نكتة مثل قبل واضحك عليها،
حاليًا صديقتي صارت احسن والحمدلله..
بس ما أدري ليش لحد الآن احس بالكآبة والفراغ
وكل وقتي نوم واي واحد يقول لي شفيك اتهرب منه.