الكلمة لها تأثير
مو كل انسان قوي وعنده القدرة على التطنيش أو ما تأثر فيه
حسب شخصيته وصقلها كذلك طفولته والحالة النفسية
اللي يمر فيها ..
حاولي تتفاهمي معاه ،
خاصة ان الموضوع وصل للأطفال
كلميه ما يتكلم عليك قدامهم
راجعي نفسك في استجابتك لانتقادك
أول ما قال اصبغي
صبغتي بلون ما يناسبك
معليش يا غالية ثقتك كمان ضعيفة
اصبغي وقصي
لكن بالشي اللي يناسبك
قولي الناس اذواق
ورحت الصالون قالوا كذا احلى
وكل ما يقولك اصبغي او قصي او حطي
اللون الفلاني
قولي
إيش عرفك بالقص والصبغ
هذي شغلات حريم
ولما يقارنك بغيرك اقلبي الطاولة عليه
قولي زوجها سفرها
اشترى لها ذهب
مدلعها
أو اذكري عيب فيها لسانها طويل وزوجها صابر
وإذا في وحدة مرة ميت عليها
أذكري شي فيها مقزز
عشان ما يتخيلها
وفي نقطة مهمة
هل انتِ من النوع اللي يذكر عيوبه بطريقة عفوية
مثلا
أنا تخنت
اللبس مو حلو علي
جسمي مو حلو
ترى الزوج وخاصة الشرقي إلا من رحم ربي
عنده مجهر وذاكرة
أول ما تذكري عيب من عيوبك يركز عليه
هل مرة قلتي له
فلانة تتمنى شعري
ولا علانة مدحت شكلي
ولا قريبتك سألتني عن لبسي
امدحي نفسك
واجبريه يسمع المدح
واهتمي بنفسك
هو بين أمرين
يا أمه من نوعية
القرد في عينها غزال
وكانت تمدح فيه وتقول له الف بنت تتمناك
وصار عنده هذي القناعة
أو عنده نقص حقيقي في ثقته يخاف
تشوفي حالك عليه او تتركيه ..