على كثر سلب السنين لْبسمة الوجه القديم
للحين أوزّع بسمتي .. على الوجيه العابسة !
مثل؛ سجينٍ حابسه [ظالم] .. ولكنّه [نديم]
أن طال ليله ما رقد؟ سوَلف مع اللي حابسه
معك كذا يا أول خيوط الشك فالظنّ السليم
لو تصدف أحداث الليالي؛ للظروف مْلابسة
اللي ينسّيه السفر ليل ـــــ ويذكّرْه النسيم
لا يستشير الصبح .. في شكله، وفي ملابسه
شفّاف لو يلبس فصول العمر مصباح وعتيم
ما هو بـ ساتر له "ملامـح حزنـه" اللي لابسه
أعقِل ذلولي ليه ــــ لا قيل السما ما فيه غيم ؟
ما هو بيستأذن حضور "الغيث" رمضى اليابسة
عندي عشم، مثل الكفوف الباردة ورا الهشيم
عندي أمل، مثل الندى فوق الغصون اليابسة”
هالنص للعذب جداً صالح بن حمد
قبل اطلع كونو جيدين كما تكتبون
ليس كما تتخيلون
الخير لايحتاح شعارات
هو بحاجة تطبيق وافعال
..
مشكلتي هالاستشراف
وهم الذكريات زارت المدونة وصكتها نومة
