. <{ مرت الأيام وعدت على خير }> .
آه طرىٰ لي طاري كاد يِطَيِّرْ العقل مني
أيام كانت النفس في المزيون مفتونه
رحل وبعد كامل الوصف بالغصب عني
أربعة أشهر وعشرة أيام مالك دركسونه
ليته ما رحل عني مغصوب وبلا تجني
عشرة سنين تعايشتها بالخلا مجنونه
مجنون حب حبيب حبه يا ملأ سبني
ألا ياسحر المساء كم وكم مثلي يلمونه
لجاء تالي الليل ابكي رجولي مايشلني
أجاوب الورق على اللحنٍ اللي يجرونه
ألا ياالصارم المستشار ردودك ريحني
ولانيب ناكر اللي هم خاطري يجبرونه
همس الغلا و مسك الغلا مرسى لفني
وبعض المنتديات مثلي هم يريحونه
يا ريحة المسك والعنبر والعود يِذَكرني
وقتك ليا هب النسيم طاريك يجيبونه
لأقبل خيالك يتحدث وعنكي يحدثني
يا أجمل من رأت عيني وأهلي يحبونه
الشعر شلال للخصرين ابداً مابه تثني
كماليل مدلهم كستنائي بالعز يمدحونه
ساطع الجبين عليه قذلة به تسحرني
والعيون الوساع فيها الموت يذكرونه
وسحر الهوى وسهامها الخطرة لارمني
الوجه فلقة الصبح شروق الشمس لونه
والخشم سيف مجرد استقام يعجبني
والمبسم لمن تبسم خلفه لألئ مكنونه
والشفايف كنها جمر القضاء المستكني
لسال عسل تسابق روح وقلب يلقفونه
الله على عنق توسده ذراعي ما وهني
والصدر كنه البستان تفاحتينه مزيونه
به الدفىٰ اليا ارتجفت من البرد يدفني
اروح في نومة عميقة مستانس بليونه
ناحل الخصرين مدموج الساقين حني
حنين الأم اللي قل تكون مثلها حنونه
آه يغير لاشاف العذارى بالسوق سقني
وانا مالوم العذارى لشافَنِّي يحسدونه
فاقهن بالحسن والغنج عالي مابه تدني
الله خلقه وعطاه ذا الزين لبد تعذرونه
ألا ليت يلقى القلب لو شبيهه يسعفني
يرفق بي يقدر الحب ويحطني بعيونه
اعذرني لاباح السد يا من بهواه فتني
وصلوا على النبي محمد يا من تحبونه
الشاعر/ حمد بن فهد المخالده السبيعي