قبل مباراة الارجنتين والسعودية بكأس العالم 22
كنت منسدح ونطقطق بالسوشال ميديا
وقال واحد من الشباب اذا فازت السعودية لكم خرووف طبعا قالها بقروب الاستراحة
قال ثاني وانا مني خروف
انا طبعا بصفتي رجل المستحيلات قلت لكم خروفين
فازت السعودية ..
وزغرتي يا ام زكي
هنا الوضع صار حرج
الاثنين اللي راهنوا على خروف قالوا نطلع عليه كشته برية ونقط حنا الثلاثة بخروف واحد
قلت لهم انا اقط معاكم لكن ما اقدر احضر مداوم
قالوا لأ
هذي لأ بصراحة اكثر اللآت ( جمع لا ) تأثيرا علي
بعدها راهنت وخسرت الرهان وبرضوا زاد عدد الخرفان
من وقت المبارة والشباب اذا جاء طاري اللحم يناظرون لي
اتهموني بالمماطل
كفلني احدهم ثم رد علي كفالته
اخر شي قبل ما تنتهي 2023 قلت لهم ابي اصفي حساباتي
وش رايكم اجيب لكم خروف عن كل الرهانات السابقة
عاد لنا يومين نرتمي بلحمها ... وشحم كهداب الدمقس المفتل