سيداتي انساتي سادتي
الاحباء الاعزاء الكرام
من يفسر لي خيوط وسادتي
ومن يغمض لي عيوني لين انام
بشروا صدر السما بقلادتي
وبلغوا عني لخلاني سلام
سيدي من يعترف بسيادتي
ينحني لي وانحني له باحترام
عادته يدمح خطاي وعادتي
لاذكرته فاحت اسراب الحمام
وامي قالت لي بيوم ولادتي
لاتموت وباقي بصدرك كلام
غادتي ياغادتي ياغادتي
والله ان اللي تسوينه حرام
صبي لسكر حلاك زيادتي
ياحلو طعم الرضا بعد الخصام

ثم اما بعد

وعلي طاري غاده...
فيه معلمه ضاربه " ترند" هاليومين وضاربه اشياء كثيره نسأل الله السلامه..!
مؤسف بصراحة طريقة خروجها بهالشكل وهالأسلوب ...
علي الأقل بالنسبه لي..!
معقول مهمة المعلم توصيل معلومه بس...
اجل وين راح ...قف للمعلم وفه التبجيلا ...كاد المعلم ان يكون رسولا..!
وين راحت القدوه الحسنه...!
اذا كانت المعلمه تنظر للتعليم بهالطريقه..
اجل الطالبات كيف بينظرون للتعليم للمدرسه للمعلمات..!

وبس والله فليس كل مايجول فالخاطر يصح تركه هنا...