،.


“ يجوز انّي من اللّهفه سريتك ضايق ومرتاب
أشيل من الهوى حملٍ على شانك تحملّته

تضيق بـ وجهي الدّنيا والاقي في رحابك باب
واحسّك مثل شيٍّ كان ينقصني وكملّته

أجي صوبك وانا لوجهك يسابق وجهي التّرحاب
واشوفك مثل نجمٍ فالسّما كمّ لي تخايلته

حبيبي والمدى حالك وانا في غيبتك مرتاب
ولا غيرك هوى قلبي ومن قلبي أنا نلته

على جمر انتظاري واحتري لي من شفاك جواب
يطمّن قلبي الملهوف تسمع كثرة اسئلته

هنا كان الكلام ابهى ، هنا صار السّكوت عتاب
هنا طال الجفا فينا .. هنا فراقي تساهلته

وهنا رمحك طعن قلبي وجرحك عادته ما طاب
ولكنّي حضنت الجرح بيديني وقبلّته

ورا كثر الجروح وقسوة الغيبه شعوري خاب
وملاني الملام اللّي يبكّيني ليــا قلته

وعليك من النّدامة والحسايف دمعة الأهداب
تندمنّي على الماضي وكلّ جرحٍ تحايلته

يجوز انّ الهوى بيني وبينك فصّ ملح وذاب
واكيد اللّي لقيته منك غير اللّي تخيلته ..!”