عليكم السلام ، والراس طيّب
لكن مابه خاطرٍ في مجيكم
والله ولولا الله ، وحق القريّب ؟
ماكان رديت السلام عليكم .
الوقت يمضي والأوادم تشيّب
سيروا ودوجوا والقِدر يحتريكم
اذا لقيتوا خير ؟ هذا مسيّب
أيمانكم ماهي تعشّي حديكم
إذا لقيتوا شر ؟ لحد يتهيّب
هذي بضاعتكم و رُدت إليكم
ليه أنصدم من عقبكم وأتريّب ؟
من بعد ما علّقت الآمال فيكم
والخيبة اللي لازمت كل خيّب
هذي تراها بعض مما لديكم
بعتوا عشان كمومكم كل طيّب
ونسيتوا أن أكفانكم ماتجي كُم
يمناي تارد من صفا كل صيّب
وبلا فلوس أبيعكم وأشتريكم
انا أستحي من ذكركم وآتعيّب
وانتو ليا جا إسمي ؟ رفعتوا يديكم
.