وش اسحب البساط منه ، امي الله يحفظها ما تشوف الا هو ولما تشوفني مشغول بدوامي ومضغوط تطلب وانا فاضي ما تطلب شيء بس على طول تتصل على النسيب وتطلب منه لانه هو يقدر يطلع من دوامه ويجيب لها كل شيء بسرعة اما انا اذا طلبت اقول لها حاضر بس اجيب الاغراض بعد ما اطلع من الدوام وهي ما تتفهم وضعي بدوامي الله يهداها ، اما بخصوص الوقت يا كثر ما اطلع معها انا وياها لحالنا ومرات تخرب الطلعة بسبب النسيب النشبه واختي ومن يطلعون معنا امي تصير بس تسولف معه وانا راجع من الدوام ادخل البيت الاقي زوج اختي متكي بالمجلس ولا بالصالة ويتقهوى مع الوالده وسواليف ، هو عنده وقت فراغ يخلص دوامه 12 ونص او 1 الظهر انا اخلص 5 العصر والجمدلله ان دوامي قريب من البيت ارجع خلال 15 دقيقة واختي وزوجها ساكنين قريب بنفس الحارة بس اخر الحارة والحين بيقعدون عندنا كم شهر عشان يعدلون في بنيان بيتهم عشان كذا هو يقضي وقت معها اكثر وحتى يوم كانوا في بيتهم كانوا شبه يومياً عندنا حتى الغداء يتغدون عندنا يعني يطلع من دوامه هو واختي ويجون يتغدون عندنا مع امي ويقعدون لين الليل وانا كرف بشغلي ارجع مهدود حيلي وين فاضي اسولف واطلع الا في الويكند فقط اكون فاضي واطلع واستانس