02-01-24, 03:36 AM
|
#1 |
| | 
درب السفاهه
هناك من يخربط بالسوشل ميديا ويدعي المعرفة وانه سامري زمانه وهو ببساطة اعتبره إنسان واهم المعرفة سفيه لايفقه ما يقول
بسم الله أبدأ
أنت ياللي مشيتك كلبوها بختره
من مشى درب السفاهه يسمونه سفيه
كل ما عينت لك جرف تبغى تطمره
جيت تزحف له وتالي الحماقه طحت فيه
دام ما عندك جواهر ولا أنت بجوهره
لا تساوم بالذهب وأنت ما تسوى جنيه
الهدايا قصدروها وجات مقصدره
وأنت نفسك كل شيٍ تشوفه تشتهيه
مثل منشار الخشب كل عودن ينشره
ما لقيته في طريقك في بطنك تحتويه
لا تغشك صورتك في زجاج المنظره
والمناظر ما تغيرك يالوجه الكريه
عارفينك غير ما ودنا بالشوشره
والستر شيمة عرب كلبونا نبتغيه
والخطا لو هو علينا ترانا ننكره
والصحيح يصح محدن يغطيه بيديه
ومن يقول الحق قلنا سلام ونشكره
ومن يقول الكذب كاذب وشرهتها عليه
والحياة أما على عز وإلا المقبره
خير عندي من مناقيد بيضان الوجيه
بو نورة |
|
|
 |