حقيقي الإنسان ممكن ينسى أي حاجه إلا وقفة حبيبُه جنبه في أصعب أوقاته ومحاولاته إنه يخفف عنه ..
لما يقع في أزمة صعبة، مصيبة مش قادر يعديها بسهولة، حزن مغيّر تفاصيله ومخليه عاجز عن حياته الطبيعية .. ويلاقي في ضهره الشخص اللي بيحبه بيسنده ويقوّيه من غير أي مقابل، مش مستني منه غير إنه يبقى كويس وبس، ويساعده يرجع أحسن من الأول ويحقق نجاح أكبر ويفضل معاه مهما كانت حالته .. ربنا يخلي لينا الناس اللي في ضهرنا دايما وجنبنا
احد اعقد الأمراض النفسية
"اضطراب الشخصية الحدية" - "البوردرلاين"
Borderline Personality Disorder
أو ما يعرف بال "B.P.D"
حد سمع الاسم ده قبل كدة ؟!
لو متعرفش ده ايه فده من اقوي الأمراض النفسية اللي بتأثر علي الصحة العقلية، بيأثر من ناحية تفكير المريض وشعوره بنفسه وبالآخرين، ده بيبدأ مع بداية مرحلة البلوغ. أو سن المراهقة
أعراض المرض:
* متسرع و معندوش صبر نهائى، و تصرفاته دايما طائشة.
*ممكن بسبب اندفاعاته وأفكاره الخيالية يخسر شخص عزيز عليه سواء ارتباط أو جواز أو صحاب.
* إنفعالاته زايدة جدا، بيفرح جامد اوى زى المجنون و يحزن بشدة لدرجة الاكتئاب، واحيانا بيقدر يعمل الانفعالين في نفس الوقت.
*تقلبات مزاجية عنيفة تستمر عدة ساعات أو لعدة أيام، وتتمثل في سعادة غامرة، وضيق، وشعور بالعار أو القلق.
*عدم استقرار العلاقات، شوية يحب جدا، شوية يكره جدا.
* ادمان سلوك سئ معين يطلعوا فيه مشاعرهم المتأججة، زى مثلا التدخين، الكحول، قيادة السيارة بسرعة جنونية، الصرف ببزخ، دخول علاقات عاطفية أو علاقات جنسية بدون تفكير، و غيرها من السلوكيات المدمرة للذات.
* حاسس دايما انه مش قادر يقعد ف مكانه و انه عاوز يهرب او عاوز يعمل شئ غريب و جديد ،حاسس بالملل و الزهق الشديد.
* دايما حاسس إنه غير مرغوب فيه، يعني مثلا لو اتنين بيتكلموا في حاجه مهمة وهو واقف بيحس إنه مالوش دور فممكن يقاطعهم بشئ مش مهم خارج إطار الموضوع عشان يثبت وجوده.
* أحلام اليقظة عنده مسيطرة عليه و دايما غارق ف اوهام و احلام من نسج خياله، منفصل عن العالم الحقيقى، بمعني أصح بيكدب الكدبة وبيصدقها وممكن يتخانق عليها عشان يثبت إنها صح.
* رعب من فكرة الهجر، قد تدفعه لإتخاذ إجراءات عنيفة لتجنب فراق أو رفض حقيقي أو مُتخيل. وعلى اساسة بيخسر اهم ناس فى حياتة
*صعوبة فى الاستقرار و العيش فى روتين ثابت.
* فقدان الأعصاب نتيجة الغضب بشكل حاد، وما ينتج عنه من تصرفات غير لائقة، كأن تكون ساخرًا وحاد الكلام أو لو زوجة أو حبيبة تضرب زوجها فى رجولتة ونقط ضعفة حتى تخسرة، أو تدخل في شجار جسدي مع أحد.
* المريض بيبقى مش عارف هو عايش ليه و لا عنده اهداف من الحياة ،كاره نفسه و شايف نفسه انسان سئ.
* اضطراب فى الهوية و جلد الذات و ايذاء النفس و محاولات انتحار متعددة
٨٠٪ من الحالات بتحاول تنتحر ، ٤٪ منهم بينجحوا فى الانتحار.
# المشكلة الحقيقية انهم مش عارفين انهم مرضى ودى اكبر مصيبة لانهم دايما شايفين ان الناس هيا إللى وحشة وبتأذيهم
عندهم مشاعر سلبية عالية كتير جواهم
بتأثر على طريقة تفكيرهم وسلوكياتهم تجاه الآخرين ومنها
الخوف . القلق . التوتر . الشعور بعدم الامان . الوحدة . الملل . جلد الذات
الدونية و عدم الاستحاق . انعدام الثقة بالنفس
أسبابه:
١- وراثى.
٢- صدمة أثناء الطفولة زى إنفصال الابوين، أو وفاة احدهم، أو التعرض للتحرش أو الاعتداء
٣- أخطاء فى التربية، زى التربية القاسية و الحرمان من الحب و العطف.
ليه المرض ده مافيش حد بيتكلم عنه ده مرض خطير بيؤدي لمشاكل نفسيه كبيرة جدا وللأسف بسبب جهل الناس بالمرض فممكن تلاقي جوه أي أسرة شخص عنده المرض ده وتصرفاته بتسبب كوارث نفسية للي معندوش المرض، وده من أسباب انتشار حالات الطلاق وخناق الأهل مع الابن وغيره كتير وعشان مافيش حد فاهم طبيعه المرض فبنتصرف مع الشخص المريض علي إنه عادي بس بقي غريب فجأة أو إن شخصيته غريبة من زمان وبنتعود عليها.
أتمني نبتدي ناخد بالنا ونبتدي نوعي الناس أكتر عشان يبتدوا يتعالجوا.
وظهرت شخصية هذا الاضطراب في فيلم الجاذبية القاتلة علي بطلة الفيلم بطولة انجلينا جولى كان عندها نفس الأعراض.