الأحقاد مرض خطير لأنه يعمي البصيرة....يقول سبحانه وتعالى "فإنها لا تعمى الأبصار ولكن تعمى القلوب التي في الصدور"...ومن أسباب عمى القلوب الأحقاد وخاصة الأحقاد المتوارثة...الله يبعدنا عن شلة الأحقاد والحاقدين....وإن كنا نسأل الله سبحانه تعالى ان يشفيهم من أحقادهم ويطهر قلوبهم من تلك الأحقاد
مدخل:
عـارفـيـنـك غــيــر مـــــا ودنـــــا بـالـشـوشــره
والـسـتـر شـيـمــة عــــرب كـلـبـونـا نبـتـغـيـه
بسم الله أبدأ
::
ياللي على الاجواد سيفك تسله
دور على مثلك يحب المصالح
افكار عوجا في قصايد ممله
قل الحيا تلقاه في وجه كالح
مالك ومال الشر والهرج خله
الاجواد ياخي مالهم فيك صالح
ياشلة الأحقاد ياشر شله
واللي يخاويكم فلا هوب فالح
والحاسد اللي مات من زود غله
والله ماهو كفو لأهل المشالح
وترى الردى والشر ماهيب مله
والله فرّق مابين صالح وطالح
طبايع أهل الخير فيهم جبله
طبايع أهل السوء حسب المصالح
مخرج:
والـحـيــاة أمــــا عــلــى عــــز وإلا الـمـقـبـره
خيـر عنـدي مـن مناقـيـد بيـضـان الوجـيـه
قلم/د. بو نوره