من الأشياء اللي تزعلني صدق .. لما ينكب شي ع الكتاب
كان الكتاب قدامي مفتوح ع الطاوله وجنبه كوب قهوه .. وجالس اقرأ
جتني مكالمه … وكان فيها بعض المعلومات اللي تحتاج لتسجيلها
مديت يدي باخذ القلم .. فكبيت القهوه ع الكتاب
تسمرت مكاني مصدوووم …معد عرفت اش اسوي ..؟
ادور مناديل ابي امسح الكتاب … وصاحب المكالمه .. يقول فيك شي ؟
قلت لالا كمل كمل معاك انا
ثم ألتفت للابتوب والسماعات لقيت انه لحقها شيء من القهوة المسكوبه
فحاولت انظفها بسرعه
يا الله … عفسني فوق تحت هـ الكوب اللي انكب
ع العموم أنا اكتشفت أن كوب القهوه .. مثل ما أنه يعدل مزاجك
هو .. هو نفسه .. ممكن انه يقلب مزاجك ويعفسك عفس