من خارج السرب ....
يا يمعرّب العُجمه على مبناك عللت السبب
جبت الخبر فيه العبر ... ياليت ماجبت الخبر
اللي سمع واللي رمع واللي قرا واللي كتب
ينحاز للي يدركه.......... لامن تغناه وزمر
لو يشتبه لك يوليو تموز ......ما شابه رجب
لو يختلف وجه المشارق ما اختلف وجه القمر
تاريخنا مثل الزمرد لامع، ........ومثل الذهب
لو ( ألفونس) ياهيه يشبر علمنا... له ماشبر
الوقت باقي بعد طول المدى فيه ما اظن اختلف
فالناس، والناس ياطرقي لياعاد للعدل ، أقربا
ليت الحصان الذي يكبا براعيه فالموقف وقف
من قبل يرميه عن ظهره، ويدميه لامنه كبا
والخون داعيه مايغنيه وصله ليامنه نكف
ومن عادله عادةٍ فالشيب، تدعيه من عهد الصبا
العرق دساس، لكن مايباريه مربا ، لا ولف
من عهد بالقيس ، وكتاب النبي يوم تقراه لسبا
خذ يقينك من صوابك .... قبل تتبع حدسك
إشتري نفسك من اسواق الصخب واعتقها
راس مالك في حياتك ... يآبن آدم، نفسك
إحذر إنك بالمكاره والشقى ،........ توبقها
مُواسي.
: