العلاقات المبنيه
على التشكيك على ان لم تكن معي
كل يوم فـ انت لست معي
العلاقات التي لايسودها اريحيه
ونظافة قلب ودف الزلات بالمحبه
وتقوية الصحبه بأن هالادمي
معدنه طيب واصله طيب
وهذا يكفي
تبقى علاقات مهزوزه
اساسها هش قابل انو
ابسط ريح ممكن تطيرها
العلاقات التي يسودها الدق بالكلام
والتشره هذي من اساسها غلط
الصاحب صاحب لو تغيب عنه سنه
تلقاه بعدها وكأنك ماغبت
مُرحب فيك
لانه ببساطه يعرف قلبك وطيبك
يعرف معدنك يعرف معزته عندك
لايحتاج منك تنميق
ولاتلميع ولا كلمات
ولا غيره
في حياتنا ناس نعاشرهم
نسأل عنهم يمكن
كل يوم
نسلم وكذا لكن
مو شرط يكونوا اصحاب
قد تكون مجرد مجاملات
برتوكولات علاقات
الصحبه الحقيقيه لايبنيها سؤال
ولايهدمها غياب
مبنيه من الله بطيب
النوايا وصدق الشعور
عندي صديقه مقربه جدا جدا
الظروف حكمت
نفترق رغم بنفس المدينه
بس ظروف الحياه ابعدتنا شويات
نتصل على بعض
يمكن بعد اربع شهور
اكبر عتاب بينا يالقاطعه
وينك وبعدها
نضحك ونسولف
ولا كأنا طولنا عن بعض
اقيموا جسر احبابكم
بحسن الظن والحب
والعتب اللذيذ فقط
اما الضيق والزعل وتأويل
الامور إلى غير مجراها
هذي اكبر هادم للعلاقات
حتى بين الأخوه ببيت واحد
محدثتكم اسمج وحده
في التواصل والسؤال
حتى لو قلبهايفرفر محبه
