اقول له
وجدي على اللي يسبق الكلمـه بنظـرات العيـون
أدعَــج غـنَـج يـاخـذ مــن الآرام زيـــن عيـونـهـا

ابو رمـوشٍ ظلّهـا يضفـي علـى ذيـك الجفـون
تعيـش رعشـات الرمـوش الـلـي زهَــت بجفونـهـا

وابو جديل ٍ لا ضوى يسدل على بيض المتون
ليلـة دجـى تصعـب علـى الساريـن مـا يسرونهـا

يـا عـود مـوز ٍ مرتـوي يسقيـه هتّـان الـمـزون
لا هـبّ نسنـاس ٍ مـن الغربـي تميـل غصونهـا

يا مسحة الكف الندي يـا نبضـة القلـب الحنـون
يـــا غـيـمـة ٍ خـيّــل عـلــي بـرّاقـهـا و مـزونـهــا

يا نسمـة العطـر العـذي لا فـاح عطـر الزيزفـون
الـرنــد فـــي طـرّافـهــا والـعـطــر عــطــر ردونــهــا