الشعر سالفة
قالها شخص يملك موهبة
لكن هل يملك مشاعر وشاعرية
هل جمال النصوص نابع من مصداقيتها
ابداً تدرون ان الشعر
العاطفي اجمل نصوصه
بنات خيال الشاعر
المهم ان اؤمن انه من النعم
ان تجد نص يجعلك تلتفت
بكل مافيك
هذا إقتباس
لـ شاعرنا القدير
عتيم
انا لا يمكن اكره: كان تكرهني
من اللي يكره البارق ورعّاده

زرعتك حب في صدري : وتزرعني
مشاريه وعتب بشفاه نقّاده

فـ امان الله لا اكسر فيك واكسرني
ترى الحـب النزيـه إيمـان وعبـاده !
...
اخر شطر ابدااع...
....
نجي للابيات ذي لـ صالح بن حمد
شاعر مميز جداً
‏يا صاحبي ليلي مشاريه وأعذار
وأنا يديني جرد، ويْدينك مْليّ

لا قلت لك باجيك، وسنيني قْصار
أن ما قدرت تقول لي مرحبا؟ عيّ

كم من ورا شبّاك دارك من أسرار
لآخر حدود أيامي المعتمة : ضيَّ

مشتاق لك، والشوق تركيبة أقدار
والناس ما يقدر على أقدارها حيّ

ما أخترت أجي في الشمس والّلاهب الحار
وأنا عيوني شايفه للشجر : فَيّ

أجمل سنيني : وردةٍ فـ إيِد محتار
قطّع ورَقها لأجل يرسي على شيّ

...
وذي للمبدع ماجد النفيعي
واقف ما بين الجروح وبين راعيها
أنظر لعجْز اللغه إنها تواسيني

ما تِزعل الهقوه اللي كنت هاقيها
كثْر الحذر بعدها، لا صار روتيني

يكبر مع النفس خوفٍ في خوافيها
يشعرني إلحاحه؛ إنه أصل تكويني

خلّيت حاجات واجد خاطري فيها؛
من خوفي إنها على غفله تخليني


...
سلام