مرحبا بالجميع
بقالي في المنتديات سنين كنت بستغرب من الحركة دي
ناس تودع وتقول نلقاكم بعد الشهر
وفي الحقيقة انا فكرت كتير وكان تفكيري يوصلني ل سبب ساخر
بس طبعا زعلت من نفسي لأن اعتبرت تفكيري سطحي ومكنش ينفع اسخر من حد حتي لو بيني وبين نفسي
المهم لما فكرت في السبب جه في بالي جملة اللمبي الشهرة
( انتي جايه تتوبي هنا )
واعتبرت غيابهم عن المنتديات في الشهر الفضيل تحديدا
ده دليل إدانة في حقهم علي مدار الشهور اللي سبقت رمضان
يعني طول السنة ذنوب ومعاصي وفي رمضان تفرغ للتوبة
بس رجعت وقولت لأ طبعا متتحسبش كده
في أسباب كتيرة ممكن تبعد الانسان عن النت وعن أي موقع فيه أخذ ورد مش شرط منتديات
اولا .... حفاظا علي نفسه انه يقول كلمة او يتعصب علي حد وده يأثر علي صيامه
ثانيا .... قلة فضي لأن الناس بتبقي مشغولة بين شغل أو دراسة وصلاة وقراءة قرآن وعزايم سواء عازم او معزوم ده غير التجمعات العائلية بعد الفطار ف مفيش طاقة لأي حاجة بعد كده
ثالثا ... تحس ان فعلا الشهر ده فيه زهد كده انك تعمل اي حاجة ولو عملت حاجة مش حتعملها بمزاج
عموما الموضوع بيرجع ل ظروف كل واحد
اللي عنده وقت حيدخل واللي معندوش حيبعد
وممكن تلاقي حد يدخل نت عادي جدااا لكن مقضيها تصفح بلا أي فعاليات
مودتي لك أخي
.