منتديات مسك الغلا | al2la.com - عرض مشاركة واحدة

**الخواف** · 03-26-24, 08:05 AM


	المشاركة الأصلية كتبت بواسطة صعفق طاش كندي


	مازلت يالأمير في غيمتك السوداء تجاة الزواج لكن بحاول ازيحها عنك أن وفقني الله تخيل انا وانت داخلين شراكة في مشروع تجاري بعد توفيق الله نيتنا الطيبة هي اللي بتخلينا نستمر نيتنا الطيبة تجاة انفسنا قبل الدخل المادي من هذي التجارة مثل انا انكسرت بمبلغ اقولك يالامير الشهر هذا ابغى مبلغ زيادة لاني انكسرت بمبلغ احتياج شخصي واسدده من دخلي الشهر الجاي تقوم انت تقول المبلغ فدى رجولك ولو تبي خذ نصيبي الشهر هذا كله وخلص التزامك طبعا من نفس طيبة منك انت تقول الكلام هذا هنا تستمر الشراكة وهنا يبارك فيها الله لكن ان كان في نفسي أو في نفسك طمع او استغلال لفترة معينة صدقني راح تتراكم الديون علينا وندخل في متاهات مادية ومشاكل مع بعض مالها داعي مثلها مثل الزواج اذا الزوجين نيتهم طيبة تجاه بعض صدقني لافواتيرك ولا مادياتك اللي حاطها اساس الزواج راح تأثر في سير هذا الزواج بتقولي انا كيف القى اللي نيتها طيبة بقولك اول شيء أبدأ بنفسك وشيل هذي المفاهيم والعراقيل اللي حاطها حاجز منيع وشيل فكرك السوداوي تجاه النساء حتى تقدر تعيش لنفسك خالي من هذا الهم على الأقل لو مافكرت تتزوج من مفاتيح الرزق الزواج اللي انت مكتفه بالفواتير والماديات لازم الإنسان يوم يحلل شغلة ياخذها بزاوية ٣٦٠ درجة ماياخذها بزاوية عشرين درجة ويوقف عند العشرين ويترك الباقي طيب كيف من مفاتيح الرزق الزواج والعالم متخبطة بالفواتير والديون وماهي ملحقة على مصاريف العيال الله تبارك اسمه يقول في كتابة الكريم ( إن يكونوا فقراء يغنهم الله من فضله) هنا انتهت جميع فواتيرك وعراقيلك الله ما يأمر بشئ الا وقد تكفل برزق اهله فيه لكن الناس ابتلوا بضعف اليقين طيب المشاكل اللي تصير وتشتت الأطفال لو كل شخص حسبها بالحسبة هذي ماحد راح يتزوج ممكن تكون يالخواف انت ماسك الخدمات حياتك كلها معاصي وذنوب وغيرها تتزوج تبتلى بزوجة تخلي اذانيك حمر من شدة زعلك يوميا هذي فيها تكفير ذنوب لك ممكن ربي رايدلك الخير في هذي المشاكل انا عن نفسي اكلمك ابتليت بمصيبة لمدة ١٤ سنة .. طبعا خارج نطاق الزواج مصيبة بنفسي كنت افكر بالمصيبة هذي بزاوية عشرين درجة لكن يوم فكرت بزاوية ٣٦٠ درجة لقيتها بالنسبة لي خير عظيم الدنيا هذي ابتلاءات بتسلم والله مانت سالم الا بأمر الله الابتلاء راية الانبياء احيان تبتلى بولدك.. بزوجتك وغيرها لكن احط العراقيل وانسف كلام الله ورسولة هذي مشكلة تحتاج حل انت عشت بزواج ولا بدون زواج حاتموت واكبر مشكلة تواجهها الآن هي عدم حسن ظنك بالله من ناحية الزواج طبعا هذا اللي اشوفة ماتدري ممكن تتزوج بإنسانة تغير مجرى حياتك وتفكيرك وتوجهاتك كليا ولكن عدم حسن الظن بالله هو اللي يخلينا نحط جبال من العراقيل النية الطيبة اساس كل شيء يالخواف

ياهلا وسهلا بـ صعفق ...

وعلى فكرة أنا مقدر نصحك وتوجيهك وتنبيهك لي .....

المهم شوف وانا أخوك ...أنا راح أترك بعض الجزئيات من كلامك رغم انها مهمة ومربوطة بالزواج .....لكن أنا أحب أعلق على كلامك من ناحية ان الزواج بركة ورزق ....فهذا الشي ينطبق على الزوج والزوجة اللي يحبون يعيشون بما يرضي الله ....

لكن تعال شوف واقع الزوج والزوجة في وقتنا الحاضر ... ماشين على الإسراف والتبذير رغم ان الزوج ما يملك إلا راتبه ....

يعني مثلًا هل الزوجة ترضى انها تلبس يوم العيد نفس ملابسها حقت العيد الماضي ..إذا كان الزوج يمر بضائقة مالية قوية ....مع العلم انها ما لبستها إلا مرة واحدة ...وما تغير وزنها ولا أي شي منها ...

طبعًا ما راح ترضى بالشي وراح تكون كارثة بالنسبة لها ....

طيب سيبك من العيد وراح نزحلقه ....ولكن راح نشوف المناسبات مثل الزواجات والزيارات وغيرها ...هل شايف ان اللي يُصرف فيها جائز شرعًا ولا لا...!!

شوف كم الميزانية اللي تُدفع عشان ليلة واحدة لمدة ساعات قليلة ...فهل راح تكون فيه بركة في زواجهم ..!؟!..

وشوف المعازيم من الحريم كم دفعت على نفسها عشان ليلة واحدة ...فهل هذا جائز شرعًا ..!!؟...وهل تدخل البركة في حياتهم ..

وشوف الضيف يسدحون له ذبيحة كاملة ....والثلاجة عنده فيها لحم ...؟...فهل هذا جائز شرعًا ..!؟...

طبعًا أكلمك بهذا الكلام وأنا ما راح أطبقه على نفسي ...يعني راح أمشي مثل الناس اللي حوالي وإلا أكون منبوذ ومكروه ..

المهم هذي الأمثلة اللي ذكرتها مجرد أمثلة بسيطة ..وغيرها كثير .....

خلاصة كلامي :

الزواج يكون فيه بركة ورزق واطمئنان واستقرار ....إذا كان الزوج والزوجة ماشين بما يرضي الله في حياتهم ...

أما طريقة حياتنا في وقتنا الحاضر فأنا مش شايف فيها إلا التخبط والإسراف والتبذير .... وبكذا خرج الزواج عن هدفه الحقيقي وأصبح قلق وهم وغم على الزوج ...والسبب حنا ....مش الزواج نفسه ..

.....