الله يسلمكم و يعوده عليكم و على المسلمين بأفضل حال

و الله هالفصعونة هي العيد و لولا شقاوتها ما شفنا عيد في ظل الأحداث المحيطة

كل ما قلتلها باكلك تعطيني خدها لا و اسمها نفس اسمي

كل ما زارتني ( تسميني ماماتو) يعني امها الثانية و تقول : ابي أوّان

يعني ابي ألوان

يختي البنات ملح الحياة صج لي قالو ( المؤنسات )

يوما ما ( بعد البحث ) أوريكم كيف رسمني الأطفال

هي حسب ما أذكر ثلاث رسمات أو يمكن أربع

لكن في وحدة ما أنساها من كم سنة

رسمني أحد الأولاد ضمن مجموعة من الأشخاص لكن رسمني أكبرهم حجما

و لخبرتي برسوم الأطفال بحكم تخصصي

كنت فاهمة المعنى فابتسمت ابتسامة عريضة

كيف أن الأمر واضح و جليّ رغم أني لا أبذل جهد لأكون كذلك

فقط أكون أنا كما أنا، لا كما أريد و أقصد

عفوا دوشتكم

بس عجزت أبي أنام مامِش نوم مجافيني أكثر من كل يوم

أحاتي

أحاتي التزامات العيد و مشاويره و كثرة الأوادم و الزحمة

خالاتي و عماتي و روس العايلة و نسايبهم

أحلى شي اليهال و كشختهم و قلم الحمرة و صبغ الأظافر بجنطتي

حق البنات سكر نبات اللي تسلم نعطيها عيدية و نعرض عليها خدمة الميك أب المجانية

طبعا مدة البوز هذي تقتلني

حبة فراولة ودي أقرمها








لازم أنام