قبل يومين اسولف مع أختى مديرة مدرسة
أقولها : كل الوظايف
تشتغل يعطونك معاش
إلا وزارة التربية
تكرف ثم يعطونك معاش ثم ثلثه تصرفه عليهم و ثلثه على زملائك في مجاملات اجتماعية
يبقى ثلث
تذكرت تقسيم الورث
تقرا على لافتة : من ثلث المرحوم فلان
إحنا المعاش ينتقل إلى رحمة الله قبل نص الشهر
مرة كنت بنتقل من مدرسة الأولاد بعد ما طلعو عيني و طيرو برج من نافوخي ههه
و انا ألملم في القش ( العفش ) و يااااكثر قش المعلمات
كان عندي من عهدة الوزارة مواد استهلاكية الوان و فرش و اوراق و هالسوالف
قلت باخذهم و جمعتهم و اخذتهم
بعدين قمت اوسوس حلال لو حرام !
اتصلت على الموجه الله يذكره بالخير استاذ فاضل - اسمه فاضل -
و قلتله ترى كذا و كذا قال اي حلالج دول مواد مستهلكة ما بنحاسبشِ عليها
و انا أخذتها لأني فعلاً كنت أصرف صرف على المرسم
بس ما كان - للأمانة - عشان سواد عيونهم لأ آنا أحب أجهز المكان بما يناسبني
بس ملاحظة
صح الأولاد متعبين لكن إنتاجهم الفني كان أجمل من إنتاج البنات