هدية المساء....بها تكتمل دائرة هذا اليوم...
........

ولا تحزن على اسمك ولا شكلك ولا منشاك
تفاصيلك تكون احيان ، ما تحمل تفاصيلك

ولا تحزن اذا صرت الغريب بطبعك ومبداك
مدام الحلم حلمك .. لازم التأويل تأويلك !

ولا تحزن اذا ما فيه غير الذنب شي ابكاك
دموع لغير وجه الله .. ما تسوى مناديلك !


ولا تحزن اذا ما باقي الا يديك في مخباك !
نصيب ٍ كاتبه ربي يجي لك غضب بيجي لك

ولا تحزن لو اصحابك ورا ظهرك تصير عْداك
ورا ظهرك بتلقى ناس تفرح لك و تدعي لك

ولا تحزن على اللي مانسيت انه قدر ينساك
تأكد من يضحي فيك .. لا يمكن يضحي لك

ولا تحزن اذا تزرع ورود .. و تجني الاشواك
يجوز العيب من "تربتّك" ماهو من مخاييلك

ولا تحزن على عثرات عمرك .. جعلها تفداك
تشوف القادم اجمل كل ما توقف على حيلك

ولا تحزن اذا ما راح احد يحزن على فرقاك
من دروب الفراق .. اختار دربٍ ما يودي لك

ولا تحزن ولو حتى يصير الحزن من سيماك
ترى الافراح تعني لك .. لأن الحزن يعني لك

فيصل العطاوي