وحده من صحباتي زمان عنها
داقه تطمن وتواسيني في وجعي
وحسيتها متأثرة
ودراما..
كانت حساسة بالحيل
نسميها دميعة
مع صداقتنا اصبحت غير مبالية
وهي بنص الطبطبة
قلت كيف زوجك متحملك
قالت الشرهه علي ياحمارة
اللي قاعدة اطمن عليك
مااخفيكم هالعام كان صعب
واصعب شيء هو الالم الحمدلله
لكن رحمة الله ولطفه
تخفف الأوجاع
اذكر يوم كنت بالعمل
التطوعي بدار رعاية
المسنين
كان في عجوز
عندها وجع مزمن بالرأس
وزهايمر الله يلطف
بحالها ان كانت باقي
ع قيد الحياة
كان في نشاط ترفيهي
وهي متوجعة
ولقيتها ماسكة راسها
سألتها فيك شيء
قالت هالمغضوب اتعبني
عطيتها مسكن طبعاً
مخالف للانظمة لكن بالدس
يوم خلصنا كنت اودعهم والمشرفة تشوف
سحبت العجوز
الشنطة واخذت كرتون الدوا
عندها نسيان
لكن مع الوجع تذكرتني
انا وشنطتي
وخذيت توبيخ من الادارة
الخلاصة مجرد وجود الادوية نعمة عظيمة
لايعرف قيمتها الا اصحاب الالم
..