يا سبحان الله كم قد سمعت هذه الابيات لكن الليله اول مره اعرف ان
كاتبها هو الشيخ محمد بن راشد ال مكتوم
كنت احسبها للأمير خاد الفيصل
ياكيف بعت اللي بروحه يداريك
وانت مريح البال ليلك ويومك
ذاهل منامك صيحته ماتوعيك
شخصٍ على حبه يبين معلومك
تقطع رجاء من كان بالحب يرجيك
يرجيك وانته غاية العمر دومك
يدرى الهوى وبغالي الروح يفديك
ماتخاف ربك في صلاتك وصومك
الى متى يامهجتي في تناسيك
سابق هواك وشارعات أولومك
ارحم شجيٍ طامعٍ فيك يرجيك
يابعد عمري ماضميرك يلومك
أوّن الى مروا بتذكار طاريك
وأصغي سموعٍ وأتحرى علومك
ليت العذول إيكف عذلٍ عذل فيك
ياخذ عيوني لأجل منها يشوفك