أنا أصدق أنك على نيتك
وهالشي واضح من كلامك

مشكلتك أنك دخلتي الشات وأنتِ عبالك بتشوفين ناس تفكيرهم مثلك
ما يفكرون يستغلونك أو يكذبون عليك

وأكيد في كثير مثلك دخلوا الشات يمكن من الفضول أو الملل أو في لحظة ضعف
وبعدها صاروا ضحايا لناس استغلاليين

ترا دايماً الشخصية اللي على نياتها تكون ضحية إما لشخص استغلالي أو نرجسي

وعرفت أنك على نياتك من ردة فعلك وطريقة انتقامك
انتقمتي بطريقة عشوائية و بدون ما تفكرين بالعواقب
ردة فعلك عاطفية
وواضح ما عندك خبرة في التعامل مع مثل هالناس
وتظنين نفسك ذكية وتعرفين تتصرفين

ما فكرتي أنك ممكن تنكشفين وممكن أنهم يوصلون لك ويدمرون حياتك

بس انتبهي مرة ثانية لا تتهورين وتتصرفين مثل هالتصرفات
واتركي اللي مثل هالناس وتأكدي أن الدنيا دوراة
اللي يسوونه فيك راح يرجع لهم


وترا الناس السيئين بطبعهم ما ينزلون مثل الموضوع ولا يبحثون عن حل
و لا يحسون بالذنب وما يأنبهم ضميرهم

السيء دايماً يحسب نفسه صح و يغلط ويكرر الغلط ولا يحس بالذنب ولا يأنبه ضميره


المهم

" كل بني آدم خطَّاء، وخير الخطَّائين التَّوابون "