الله يرحم ايام " تغاريد" ورومانس الخبر...
تغاريد لم يعد له وجود كحال اغلب المنتديات..
لكن بعض رواده موجودين هنا فيهم اللي مرني وسلم الله يسعده وفيهم اللي " مستكن" مغير اسمه وعايش اللحظه بس

الاكيد ان عندي مشكله ازليه..
لو تعودت علي شيء وفقدته ..اشتاق له...
حتي لو كان صوت " حيوان" وليكن " ديك" مثلا وافقد صوته لأي سبب كان..
اشتاق له ويضيق صدري مابالكم ب ارواح شاركتها الكتابه ايام وشهور..!!
كما انني ودود مرهف الحس فرندلي وصديق للبيئه..
لازم امدح نفسي شوي واعطيها حقها ..
نفسي تاكل وتشرب معاي ..
تنام وتصحي معاي ..
وفالاخير بتدفن معاي ..!!
اذا..
احبك يانفسي..
انتي "اطلق" وحده فهالكون الفسيح..!
سوف اخذك في جوله مسائيه..
سوف نتقاسم " بيالة" شاي مخدر..
وسوف نتعشي سويا..
نعم نعم ...
تستحقين "كباب عراقي" وكولا دايت

وبس والله يانفسي