مدينة هرقليون الغارقة مصر ام الحضارة برا وبحرا
لو حد شاف الصور دي اكيد حيقول انها صور من فيلم اجنبي وانها مالهاش وجود علي ارض الواقع طبعا
مدينة هرقليون الغارقة و موجودة تحديدا تحت مية البحر المتوسط علي بعد ٢.٥ كيلو من مدينة ابو_قير في الاسكندرية
المدينة دي موجودة تحت البحر علي بعد ١٠ امتار ، حاجة كده فوق الخيال بحبتين ، مدينة كاملة اكتشفوها من حوالي ٢٠ سنة محتفظة بكامل جمالها و سحرها
طيب ايه حكاية المدينة دي
المدينة دي عمرها الاف السنين و كانت مركز تجاري و بحري علي البحر مباشرة وغرقت بالشكل اللي شايفينه ده و محدش عارف سبب غرقها لحد دلوقتي ايه ، هل كان السبب زلزال ولا فيضان محدش عارف
لكن واضح من اطلال المدينة و شكل العمارة و شكل وجمال التماثيل انها وصلت لعلم و رقي وازدهار كبير اوي و انها بتحتفظ لسه بأسرار كتير جدا لدرجة انهم بيسموها ( اطلانتس المصرية ) نسبة الي قارة_اطلانتس المفقودة
و من جمالها بقت مكان بيستقطب هواة الغطس من جميع انحاء العالم و اعتقد ان فيه جزء كبير منها تم انتشاله و تم عرضه في متاحف اسكندرية