الناس أغلب ثقافتهم ثقافة قطيع
مثل ادْخلا الإبل مع موضة أهل الإبل
والرجل مهما يكن مقدار ما يستطيع
يبيّن المعدن اللي من خلاله جُبِل
النبتة تجذّر مداها في البِطان الوسيع
لو ما سقاها ثلاث أيام .. يمكن ذُبِل
ما يعرض الناقصه للمشتري .. و لا يبيع
فــ المجلس المرتكي به : مستصحّ و خبل
ما كلّ أحمر خريف .. وكل أخضر ربيع
الوسم أكثر ما يجمع ديدحان و ربل
و العقل و اللاعقل يفصله الخيط الرفيع
و العِرْف إنك تظنّ الخيط ماهو حبل
أحياناً الكلمه اللي تذبحك .. من وضيع
الي يجي من خْلاف .. ولا يجي من قِبِل
تفرّد و كُن .. ولكن لا لاتكن الوديع
إن لم تكون الأسد على الأقل كُن شبل
و نقاش تعجز لا تثري به عقول الجميع
سحابته شكلها و إن أعجبك .. ما تِيِل
ما عندك إلا عمر واحد .. لذا لا يضيع
مابين ترضي الجميع و بين تقنع خبل
///////////
ميّ سألت العقاد: لماذا تكتب " أنتي " وليس " أنتِ" ..؟؟
فأجابها: يعزّ عليّ كسرك حتى باللغة ..!
" الحنيّة دوااااء " ..
//////////
سوّت حلا .. بس مابانت محلّيته..!
ويني و وين الحلا..؟؟ والشوق في ثورته
ترسل صور من حلاها اللي مسويته..
واللي مسوّيه ربّي ما أرسلت صورته ..!
///////////////

و... فوتوووكوووو بعافيااااء ..