حبوب البنادول



اشكي من الغربه واجر الطواريق
وفكري مع الهاجوس ﻻهي-ومشغول
احس ب الوحدهه وحولي مخاليق
مدري وش اسوي! ومدري وش اقول !
جنيت من فرقاك.....ي يمه الضيق
وعشت الليالي .....دون لقياك معلول
همي علي من دمعة المغترب سيق
ﻻ حول من فرقاكك... ﻻ حول ﻻ حول
حلمي كبير..ويعتلي #قمة_طويق
حلمي اشوفك كل لحظه . .على طول
ينزاآح ضيقً . . عوق القلب تعويق
ويجف حرفً . . . . للدواوين مرسول
اصبح على طرياآك وانا على الريق
وامسي وقلبي... من عراويهه مبتول
احس في راسي ..ضجيج وتعاويق
ومعاد تنفعني . . . . حبوب البنادول
مدري متى حظي من الغفوه يفيق
واشوف نورً كان.. بـ اﻻمس معزول
يمه فراقكك ...مزق القلب تمزيق
ويمه غلاك يصول في القلب ..ويجول
لو #خيروني ....بين كل المخاليق
ب اختارك انتي ياعسى عمرك يطول