إذا ما عندك شي تسوينه ولا عندك هدف
خلي هدفك أن تتعلمين
ولا تقيدين نفسك بشي محدد
تعلمي كل شي تقدرين تتعلمينه
ومو لازم معلمين
اعتمدي على نفسك وابحثي عن المعلومات بنفسك
تعلمي من الناس ومن التجارب ومن الكتب
ومن القصص اللي صارت لغيرك وهكذا ..
هالشي حلو
لأن كل ما زادت المعرفة زادت الثقة
وبعدين بيكون سهل تقررين وتختارين كل شي بنفسك
ومحد راح يتدخل في حياتك
بتصيرين تعرفين كيف تحطين حدود لكل شي
وتجبرين الناس يحترمون حدودك
وسهل تلقين حل لأغلب مشاكلك بنفسك
و تذكري
"من سلك طريقاً يلتمس فيه علماً ، سهل الله له به طريقاً إلى الجنة"
ولا تستهينين بأي معلومة تعرفينها
وتفكرين بايش بتفيدك
يمكن معلومة بسيطة تعرفينها تنقذ حياة إنسان يوماً ما
ويمكن الناس يذكرونك بالخير إذا ساعدتيهم
وعلمتيهم اللي تعرفينه حتى لو شي بسيط
أو يدعون لك بظهر الغيب وأنتِ ما تدرين
أهم شي النية تكون طيبة
وفي النهاية لو ما تزوجتي ولا توظفتي
بيكون عندك شي يلهيك ويشغلك
و ما راح تضيعين وقتك على أشياء ما تستاهل
وبس
موفقة إن شاء الله