فدوة عيونك لو غدت روح مغليك
وش عاد لو راحت لعينك عشاير

ابيع ما يغلى على الكون و اشريك

و اسوق لَى جتني علومك بشاير

و ازعّل جميع الناس بالحيل و ارضيك
و اصبر ولو دارت علَيّ الدّواير

و آخذ من ايّامي لك ايام واعطيك
وان راح عمري لك فﻼ‌ هو خساير

احب انا شوفك و صوتك و طاريك
دايم وفكري فيك هايم وحاير

بالصمت اهوجس بك و بالصوت اناديك
و الله عليم البيّنه و السّراير

انا و قلبي و الهوى بين اياديك
عندك مفاتيح الهنا للضماير

من روحي احبك ومن روحي افديك

يامن غرامه و الحسن فيه ثاير

راق لي حيل ..

"منقووووووله"