قهوني


بهر لي من الهيل ياسعود دله
في مجلسً .. مافيـه حاسـد ونمـام
وقهوني . . لا صار بلقلب عله
فنجالكـم . . يبعـد معانـاة واوهـام
المجلس اللي . . .كل قرمً يدله
اللي مقفل عن هـل القيـل باِحكـام
من عاف ربعه جعل رَبي يشله
مالـه قـدر بيـن الرجـاجيـل ينسـام
الطيب للمخلوق . . مثل المظله
بها يتفيا . . . . عن لواهيب الايام
واليا غدى فالقبر باقي سجله
يطرونه اهل الطيب ..في كل الاعوام
والا الردي .. وقت اللوازم تذله
فعايله . . . لو هو ولد شيخ مقدام
وقت الرخا..مثل النجوم المطله
ولا جات بالشده . . غدى بوم ونعام
وياقلبي الي ..شايل الهم كله
صبرك على الدنيا ولو صرت منضام
هموم بقعا ...مسكنك تستحله
وانت تعطي ظهرك ..صواديف الايام


ماجد بن خرصان