منتديات مسك الغلا - عرض مشاركة واحدة

**أسيل** · 09-03-24, 03:54 PM

المشاركة الأصلية كتبت بواسطة naader

ضعت وانا عمري 5 سنوات في منطقة نائية مليان ضباع

القصص كثيرة وبعضها مؤثرة
وراح اذكر لكم واحدة منها

سكنا في قرية صغيرة يمكن ماكملنا فيها غير شهر
ذهبت مع والدي للسوق على الجمل
واشترى لي فنينه لونها بني وانا زعلت
قلت ابغى واحدة لونها احمر قال هذه احسن
وبعدين جلسني عند واحد يبيع زيت سمسم
وقال له انتبه للولد حتى اقضي وارجع

وانا غفلت الرجال ورميت الفنيلا وطلعت امشي
والله لااعرف على فين امشي من العصر وانا امشي
في طريق للحمير والجمال اذا شفت ناس اختبئ
ورى شجرة حتى يبعدو واواصل المشي
لاادري ليش كنت اخاف الناس
حتى وصلت في غابة تقريبا صلاة العشاء

ذكرو انها كان مليانه ضباع وكلاب متوحشة وثعابين
وانا باموت جوع وعطش لقيت غدير جلست اشرب
وجلست عند الغدير ابكي وفجئة جاء 3 اشخاص
راكبين حمير شافو طفل جالس جنب غدير
في مكان مافيه بشر والله خافو
ونزل واحد من على حمارة وطلع الخنجر
ورفعه وكان يقول انت انسي ولا جني
على شان في اعتقادهم الجن تخاف من الخنجر

وانا بكيت وقلت ابغى بيتنا انا ضعت
جاء وشالني وركبني معه على الحمار
وروح بي بيته تعشيت معه هوى وعائلته
قال من تعرف فين قريتكم ايش اسم ابوك
قلت له ماعرف قريتنا وابوي اسمه احمد
بس جبت اسم شخص كان جارنا اسمع غريب
كان معه دكان صغير عرفه على طول
تخيلو قريتنا في الشمال وانا اتجهت جنوب
مسافة يمكن 7 كيلو
الوالد روح القرية واجتمعو كل القرية وكونو فرق
كل فرقة تروح لوادي وتروح للقرى القريبة منه وتسال
اخذني الرجال على الحمار حقه وذهب بي الى القرية
وصلنا نص الليل ولا فيه رجال في القرية
كلهم راحو يبحثون عني بس صاح على بيت صاحب الدكان
وطلعت زوجته وشالتني لبيت للوالدة
لن انسى هذه القصة ومازلت اتذكر
كل شي فيها وكانه البارح
تحياتي

يا سااااتر مغاااامرة جرييييئة جدا بصراحه
مبيين كنت شقــي لما كنت صغير
الله سترك وحفظك بس اعتقد فيها نوع من المتعة لان شيء جديد
بس كان خطير
بس كل شيء ظل ذكرى تنحكى
نورت يا نــادر في انتظارك لباقي الحكايات