ظاهره منتشره كثير وهذي تعتمد على الرجل اكثر

يعني لو كان متفهم فعلا ويقدر تعبها ماكان صار كذا

لكن للأسف الاغلب يفكرون بنفسهم بنفس الوقت مانقدر نعلق لأنه جائز تعدد الزوجات سواء رضينا او لا

لكن ايضا لاينسون انه التعدد الاسلام حط له ضوابط وقوانين وشروط

ومن اهمها العدل بين الزوجات مو يهمل زوجته الاولى لانها ماعجبته ويروح للثانيه وبس

او يهمل الثانيه ويروح للاولى سواء بالجلوس معهم او النفقات او الاهتمام او غيره من الامور

وانا من رأيي ماشوف المرأه مهضوم حقها بالمجتمع لأن الاسلام مو هاضم حقها وتقدر تتطلق او تخلع

واذا المرأه تبي تتطلق عشان تعدد الزوجات فهذا من حقها ونفس الشي اقول على حسب الحرمه

فيه بنات عادي عندهم تسمح انه يتزوج عليها يمكن لان عيشتها مع زوجها افضل من عيشتها في بيت اهلها

وفيه بنات لا يكرهون التعدد واغلب البنات كذا وهي غريزه في البنت تحب تكون الوحيده في قلب زوجها ومحد يشاركها فيه

ومصيره بيوم من الايام لو تزوج بيتوهق لان فيه مصاريف العيال عاد اذا الحرمه الاولى جابت له خمس والثانيه خمس

ياهو بيروح وطي هذا غير عن نفقات المرأه ونفقات اغراض البيتين والايجار وتسديد كهربا

هذا غير عن خراب سيارته او تسديد فواتير جواله وجوالات زوجاته وفيه الف شغله وراه

الزبده يعني خلوكم حبيبين وارضو بزوجه وحده

لأن الدنيا صارت غاليه وكل شي غالي يعني هي نصيحه بس عشان محد يبتلش

لازم الرجال يحكم عقله ويفكر في المدى البعيد مو يتزوج وبس