منتديات مسك الغلا | al2la.com - عرض مشاركة واحدة

**مشكلتي** · 03-23-14, 04:55 AM

السلام عليكم~
عندي خالتي اخت امي من ابوها اكرها كره ما يعلم به الا الله ثقيلت دم وفيها خبث وكمان عيانه لا تقولون حرام عليك تقولين عن خالتك كذا

لو كنتو مكاني وشفتو تصرفاتها تكرهونها .
بعد وفات والدي الله يرحمه جت جلست معنا في البيت شهر وكم يوم والله والله من بعد عزاء ابوي وهي موجوده يا النمل انه كثر في بيتنا وحتى في المطبخ حتى اذا نضفته بديتول ودواء الغسيل موجود النمل بسبب عينها جعلها الفقع هي عانتنا على بيتنا لانه ملك وكمان قديم بس فيه 3 شقق مأجرينها وموقعه حلو حاسدتنا على البيت وعلى كل شي ورثناه من ابوي الله يرحمه بس ماديتنا متوسطه مو غني عشان تحسدنا .اكيد بتقولون كيف عرفتي انها حاسدتكم وعائنتكم على البيت من الاحلام الي نشوفها فيها حسبي الله عليها حتى اختي المسكينه حاسدتها على لقمه لان اختي سوت ساندويشه لها ولخالتي واكلو مع بعض لان اختي كانت تاكل بسرعه وهي تناضر فيه خلصت اختي وراحت غرفتها الا تصيح وتبكي وتقول احس اني مخنوقه ودقات قلبها سريعه وخوف وبكاء وترجع بكثره وتحلمت فيها اختي وودينا اختي لشيخ وقراء عليها وقالت له عن الحلم الي حلمت به في خالتي قال خالتك حاسدتك على لقمه وقال خذو من اثرها واخذت اختي من اثرها والحمد لله تشافت .
خالتي هذي ابوها الي هو جدي عنده بيت مللك بس دور مو زي بيتنا وجدي مو موضف يستلم راتب من الضمان وعندهم غنم وبقر اما ابوي الله يرحمه مدرس ومبسوط حتى جدي يحسد ابوي وكان دايم يقولي وين يودي ابوك فلوسه ليش ما يعطيني منها والله يا ابوي الله يرحمه انه في كل زياره يعطيهم فلوس ويقضي لهم لاكنهم حسودين واكره جدي لانه سحر ابوي الله يرحمه حتى يكره امي الله لا يسامحه ويرد سحره عليه .
ودايم تسأل خالتي هاه نزلو لكم راتب ابوكم ولا باقي حتى في ثاني يوم من العزاء جت عندي وقالت كم في رصيد ابوك وكم ارضيه عنده طنشتها وطلعت من الغرفه .خالتي هذي لعينه طبعاً حتى تقول لي انا واختي بعد عزاء ابوي الله يرحمه وشب امك ما بكت على ابوك والله ما شفت دمعتها على خدها في عزاء ابوك وش يقولون عنها الناس اكيد بيقولون انها تكره ابوك حقيره ملعونه خالتي ولا يشرفني انها تكون خالتي . امي حزينه على فراق ابوي بس ما يبين عليها انا اعرفها بس خالتي كلبه .
دايم ناشبه لي وتقولي بتشوفين عمتك اخت ابوك بتقول عني في الصيفيه انك عانس وبتتكلم فيكم .تبغى تكرهني في عمتي اخت ابوي ودايم تقولي انا ابي اخطب لااخوانك لان اخواني اصغر مني فتبي تقهرني خبيثه كرهتها عمري 27 سنه والله ما ينقصني شي بس النصيب مره هزت ثقتي في نفسي احس ان فيني عيب هي متزوجه خالتي وعندها بنت بس تزوجت وعمرها في الثلاثينيات ودايم تقولي ابي اخطب لااخوانك لازم يتزوجون ترى اخواني اصغر مني بس هي شكلها تبي تقهرني قلت ليش تبين تخطبين لااخواني قالت عشان اقهر عمتك ~
على فكره خالتي هذي استغفر الله انا لبسي احلى منها وشكلي احلى منها وجسمي وكل شي حقيقه والله ما اكذب بس ليش دايم تفتح سيرت الزواج اذا صرت مو جوده . ودايم انا بخطب لااخوانك وتكررها علي كلمتها جرحتني يوم قالت الناس بيقولون عنكم عوانس .
على فكره عندها اخت عمرها 30 ولسى ما تزوجت .
لما عرفنا انها هي الي حسدتنا في البيت انا واخواني وامي قررنا ما تدخل بيتنا نهائياً .وعرفت من امي انها تبي تظغط عليها تتنازل عن حقها اذا توفى جدي شفتو الملعونه اقولكم خبيثه اكرها وتوبه با قي تدخل بيتنا ~
وعلى فكره عندي اختي الي اصغر مني بتتزوج وانا فرحانه لها والله بس اخاف من كلامها عني او تقهرني ان اختي تزوجت قبلي والي اعجبني في اختي انها ماراح تعزم خالتي على زواجها لانها تكرها ~
تكفون يا بنوتات يا حلوات ادعولي بزوج الصالح الا عزب الي يسكت خالتي الخبيثه وكل وحده تجرحني ~
والله اني احبكم عشان كذا فضفضت لكم .
ايه نسيت ابي اوقف خالتي عند حدها ولا تدخل بحياتي ولا با اخواني ~
يا اداره تكفوووووووووون نزلو مو ضوعي وابي ردود كثيره حتى استفيد حتى لو دعوه ~:19632-:
. الكل يدخل ويساعدني~